Safety Integrity Level
Un Safety Integrity Level (SIL, « nivèu d'integritat de seguretat » en occitan) es una grandor definida coma un nivèu relatiu de reduccion de riscs inerents a una foncion de seguretat ò coma una especificacion d'un objectiu de reduccion de risc. Es a dire que lo SIL correspònd a la performància esperada d'una foncion de seguretat. En Euròpa, i a quatre nivèus de SIL que son definits dins lei European Functional Safety standards (« Estandards europèus de seguretat foncionala »), generalament a partir de factors liats au cicle de desvolopament ò au cicle de vida d'un element. Lo nivèu 1 es lo mens segur e lo nivèu 4 es lo pus segur. Lo concèpte de SIL es fòrça utilizat dins l'industria manufacturiera per estudiar la seguretat deis installacions.