Roger Gensollen

Roger Gensollen (1927 – 14 de febrièr de 2016) fuguèt un editor de tèxtes en provençau maritime varés e, coma membre màger de l'AVEP (Associacien Varesa per l'Ensenhament dau Provençau) que contribuguèt a fondar, un aparaire dau provençau maritime e subretot varés dempuei tempsadas monte lo provençalisme, e leis aisinas pedagogicas, eran quasi exclusivament virats vers lo provençau rodanenc.

Contribuèt donc a fargar d'aisinas referencialas e pedagogicas en provençau maritime; a mediatizar aqueste, e a editar seis autors "classics" coma Pèire Chabèrt ò Antòni Favel.

Edicions criticas

• Pèire Chabèrt - Philippe Blanchet - Roger Gensollen. Vivre en pays toulonnais au XVIIe siècle. Marselha : Autres temps, 1997.
• Favel, Antòni. L'eigoutié vo la Toulounado. Tolon : Presses du Midi, 2013.