Rodolfo Brun

cantautor e escrivan occitan de Piemont

Rodolfo Brun (Turin, 25 de decembre de 1952) es un cantautor e escrivan occitan de Piemont.

Biografia modificar

Rodolfo Brun nasquèt en 1952 dins una familha de musicians a Turin, sa maire èra pianista e son paire musicològ. Foguèt cap als dotze ans que decidiguèt de venir cantautor aprèp que son paire li faguèt escotar "Le plat pays" de Jacques Brel. Trobèt una autra font d'inspiracion dins la musica de Fabrizio de Andrè, a mai se quand comencèt interpretava subretot de blues, de rock o de pòp. Joguèt dins divèrses grops entre los ans 1970 e 1980. En 1978 obtenguèt son diplòma de psicologia a l'Universitat de Pàdoa amb una tèsi sus musicoterapia. Aviá ja començat d'escriure qualques cançons cap a la mitat dels ans setanta.

Foguèt a partir de l'encontre amb qualques membres de tribus nadivas americanas, en 2001, que sa vision del mond cambièt qu'aquelas personas li conselhèron de trobar los esperits de sa tèrra. Pasmens calguèt arribar a 2008, en seguida d'una malautiá grèva, per tal que Rodolfo entamenèsse un retorn cap a las originas. Ja que sos reires èran d'occitans de las Valadas se decidiguèt d'aprendre la lenga e d'escriure en occitan. En 2011, aprèp aver publicat ja d'autres CDs, elaborèt son primièr disc en occitan Pèrlas de Veire. A mai de son activitat musicala trabalha coma psicòlog e psicoterapeuta e en 2000 fondèt l'associacion culturala "Altrove" ("Endacòm mai").

Òbras modificar

Musica modificar

  • Deep Reverie (1995)
  • Tarot (2006)
  • Anima di Legno (2007)
  • Caccia Sciamanica (2009)
  • Pèrlas de Veire (2011)

Literatura modificar

  • Venne un uomo (1995)
  • Sui sentieri del sogno (2000)

Ligams extèrnes modificar