Revòuver
Un revòuver (var. revolver, revolvèr[1]) es una arma de fuòc individuala aprovesida per un magazin cilindric, dich barrilhet ò tambor, que contèn generalament sièis cartochas. Apareguda au sègle XVI, lo concèpte es sustot famós gràcias ai revòuvers dau sègle XIX que dominèron lo sector deis armas de ponhs fins a l'aparicion dau pistolet modèrne. Pasmens, la fisabilitat e la poissança dei municions utilizablas, generalament superiora a aquelei destinadas ai pistolets, an permés au revòuver de gardar un certan interès.
