Responsabilitat penala
La responsabilitat penala es, en Drech, la subjeccion d'una persona que viola un dever de la nòrma penala en devent afrontar las consequéncias qu'impausa la lei. Las dichas consequéncias s'impausan a la persona quand se trapa copabla d'aver comés un delicte o aver estat complici d'aqueste.
La responsabilitat penala es impausada per l'Estat, e consistís en una pena (preson o multa) que cerca castigar lo delinquent e s’assag de lo tornar insercir per evitar que recedive.
Diferéncia amb la responsabilitat civila modificar
La responsabilitat penala cerca pas a indemnizar la victima del delicte, mas aqueste objectiu se realiza mejans la responsabilitat civila de biais separat de l'acte delictual.
A vegadas ambedos concèptes se confondon, e subretot dins lo drech anglosaxon, qu'ambedoas responsabilitats pòdon portar sus d’obligacions pecuniàrias. pasmens, i a de diferéncias:
- Sa finalitat es distincta: La responsabilitat penala sanciona, e la civila repara un damatge.
- Lo montant de pagar se calcula segon diferentas mesuras: Una multa (responsabilitat penala) serà basada subretot sus la gravetat del fach delictial, alara que la responsabilitat civila cerca reparar un damatge a la victima.
- Normalament lo destinatari es tanben diferent. La responsabilitat penala pagar a l'Estat, e la civila a la victima.
La responsabilitat penala e las personas juridicas modificar
Istoricament una persona morala pòt pas èsser responsabla penalament, que pòt pas cometre de delictes d’esperela (e i a fòrça penas que pòt pas complir).
Pasmens, i a unes delictes que pòdon èsser comeses per una persona morala e que pòdon èsser realizat sonque pel benefici d’ela mèsma (frauda, apropriacion illegala, delictes fiscals, etc.). Dins aquestes cases, es entendut que lo responsable penal seriá la persona fisica que pren las decisions.
Aquela doctrina contunha d’èsser en vigor dins fòrça sistèmas juridics, quitament se las escasenças evoluisson dins la possibilitat qu'una persona juridica cometa un delicte. Dins aquestes cases, la pena s'ajusta al tipe de sancion que la persona juridica pòt complir (mai sovent pecuniària, o tanben privacion de dreches).