Reglament administratiu
Un reglament es lo tèrme generic en drech dels actes d'un govèrn, las decisions d'un executiu. Las ordenanças, los reglaments en Conselh d'Estat, los decrets, los arrèstes e las circularas son de reglaments.
Lo president de la Republica e lo Govèrn pòdon prendre de decisions dins totes los camps que son pas reservats al Parlament.
En drech francés, lo reglament administratiu es un acte administratiu unilateral de portada generala.
A totjorn una autoritat superiora a aquela dels actes administratius individuals. Los actes reglementaris seguisson una ierarquia en foncion de l'autoritat que los edicta e de lor portada normativa, subretot dins lo cas de las circularas. Se pòt destriar segon la matèria dos tipes de reglaments: aqueles que permeton l'execucion d'un tèxte de lei, e aqueles que son autonòms, edictats sens que siá necessari que la lei o demande.
Los reglaments d'execucion de las leis
modificarLo poder executiu assegura l'execucion de las leis. Aqueles reglaments d'aplicacion se pòdon prene quand la lei demanda explicitament al Govèrn un decret (S'agís alara generalament d'un decret en Conselh d'Estat), o sens qu'aquela demanda siá facha, aquò per precisar una disposicion legislativa.
Dins lo primièr cas, lo poder reglamentari recep doncas una delegacion de competéncia del legislator per intervenir sus un camp que lo legislator s'i estima pas competent.
Dins lo segond, lo poder reglamentari decidís de redigir un decret per completar e precisar una disposicion legislativa. Pasmens deu respectar la lei, dins lo tèxte e al fons, dins lo cas contrari lo reglament poiriá èsser anullat per mejan d'un recors per excès de poder.
Los reglaments autonòms
modificarLos reglaments autonòms se prenon sul fondament de l'article 37 de la Constitucion de 1958, qu'atribuís una competéncia generala al reglament, la lei gausissent d'una competéncia d'atribucion sus una quantitat de matèrias limitativament definidas. Atal, es doncas possible pel Govèrn de reglamentar sens qu'existisca de lei. Pasmens, aquel deu respectar la Constitucion, en l'abséncia de « lei ecran » entre lo reglament e la Constitucion.