Qüartet de Praga (1955-2001)

Lo Qüartet de Praga (segonda formacion aprèp lo qüartet del meteis nom que durèt de 1920 a 1955) es un qüartet de còrdas chèc de la segonda mitat del sègle XX.

Istòria

Lo qüartet se fondèt a l'auton de 1955 ambe de membres de l'Orquèstra sinfonica de Praga. A la fondacion, los membres èran : Břetislav Novotný (1èr violon), Miroslav Richter (2nd violon), Hubert Šimáček (alto), Zdeněk Koníček (violoncèl). L'ausiguèron a son primièr concèrt lo 3 de març 1956 a la Comuna de la Vila vièlha de Praga (Staroměstská radnice). Al concors de qüartet de còrdas de Lièja, en 1958, agèt pas que lo tresen prèmi çaquelà.

Es mai que mai conegut per son integrala dels Qüartets de còrdas de Dvořák en çò de Supraphon (en coproduccion ambe Deutsche Grammophon) entre 1973 e 1977, mès sos enregistraments compòrtan tanben d'òbras de Bartók, Beethoven, Borodin, E. F. Burian, Dobiáš, Dvořák, Jindřich Feld, Glinka, Haydn, Hindemith, Franck, Jaroslav Ježek, Ivan Jirko, K. E. Macan, Bohuslav Martinů, Mozart, Otakar Ostrčil, Jaromir Podešva, Prokofiev, Schubert, Erwin Schulhoff, Chaikovskii, Lubomir Železný (Supraphon), Haydn (Ariola), Brahms, Borodin, Prokofiev, Schubert, Wolf (Nippon Columbia), Franck (Harmonia Mundi), Dvořák, Janáček, Schubert, Smetana, Chaikovskii (King Records, tot en 1996).

Musicians

Primièr violon

• Břetislav Novotný (1955-2001)

Segond violon

• Miroslav Richter (1955-abril 1957); demissiona per rasons de santat;
• Karel Přibyl, nascut lo 26 de març 1931 (abril 1957-2001)

Alto

• Hubert Šimáček (1955-1961)
• Jaroslav Karlovský (junh 1961-1968)
• Lubomír Malý (de novembre 1968 a 2001)

Violoncèl

• Zdeněk Koníček (1955-1968)
• Jan Širc (novembre 1968-mai 1983)
• Alexander «Saša» Večtomov (mai 1968-novembre 1988)
• Jan Širc (genièr 1989-2001).

NB. Saša Večtomov (en)(Praga, 12 de decembre 1930 – Praga, 29 de decembre 1989) èra lo filh de Ivan Večtomov (1902-1981), compositor e violoncellista del primièr Qüartet de Praga entre 1933 e 1941.