Puszta
La Puszta ongresa ( pronóncia ongresa: [ˈpustɒ] ) es un biòma de pradas temperada d'Alföld (Granda Plana ongresa). Es una enclava de l'estèpa eurasiana que se situa mai que mai a l'entorn de la ribièra Tisza dins la part orientala d'Ongria, mas tanben dins la part occidentala del país e dins lo Burgenland austriac.
Cobrís una superfícia totala d'aperaquí 50 000 km2. Lo paisatge caracteristic es compausat de planas sens arbres, d'estèpas salinas e de lacs salats, e compren de dunas de sabla escampihadas, de bòsques basses e umids e de paluns d'aiga doça, long de las planas negadissas de las ancianas ribièras. Es associat a las raças tradicionalas. ongresas d'animals domètges, especialament la vaca grisa ongresa, lo pòrc lanós Mangalitsa, lo caval Nonius e la feda banuda Racka, e tanben amb las tradicions dels pastres a caval csikós.