Projècte:Servici de Pairinatge Actiu/Pairinats/Introduccion
Aquesta pagina recampa totas las entressenhas del Projècte:Servici de Pairinatge Actiu necessàrias pels pairinats actuals o venents. Los pairins se pòdon referir a la pagina Projècte:Servici de Pairinatge Actiu/Pairins que lor es dedicada.
Per tota question o demanda sul projècte, mercé de daissar un messatge sus la pagina de discussion del projècte.
Es fòrt aisit de se marcar per trobar un pairin. Sufís d'apondre " {{Pairinatz-me}} " sus vòstra pagina d'utilizaire (aicí) (per un copiar-empegar). Dins los jorns que seguisson un utilizaire experimentat vos va prepausar son pairinatge. S'es pas lo cas, o se la persona vos conven pas, tanben podètz percórrer la categoria dels pairins e mairinas volontaris per i trobar qualqu'un que vos conven e lo contactar sus sa pagina de discussion.
Quand recebretz una ofèrta de pairinatge, lo modèl {{Pairinatz-me}} serà alara transformat en {{Ofèrta de pairinatge}} amb un ligam sus la pagina personala de l'utilizaire que se prepausa de vos pairinar. Se refusatz son ofèrta, tornatz cambiar simplament lo modèl per tornar metre {{Pairinatz-me}} a la plaça.
Aprèp qualques temps passats sus Wikipèdia, seretz capable de respondre per vos meteis a las questions, auretz desvolopat vòstra pròpria ret de contactes e (qui sap), voldretz alara a vòstre torn prendre en carga qualques novelòts. Poiretz alara modificar lo modèl e lo cambiar amb {{Fin pairinatge|pairin}} o {{Fin mairinatge|mairina}}. Atal, vòstre pairin o vòstra mairina serà avisada qu'avètz pas pus besonh de sos servicis.
Quand vòstre pairin/mairina vos o a confirmat, lo pairinatge s'acaba a la satisfaccion generala. De segur, la fin del pairinatge significa pas la fin de vòstra relacion. Simplament, vòstre pairin o vòstra mairina aurà alara tornarmai la possibilitat de consacrar un pauc mai de temps e de disponibilitat a un autre novèl. A tot moment (mas particularament a la fin del pairinatge), remembratz-vos que vos es possible de daissar un testimoniatge de vòstra experiéncia. Esitetz pas a o far, aquò nos serà util per melhorar encara aqueste servici.
Per rapelar vòstre pairinatge, podètz utilizar los modèls {{Ex pairinat|pairin}} o {{Ex mairinat|mairina}} per rapelar a la comunautat l'astre qu'avètz agut, dins vòstra joinessa wikipediana, de profeitar d'un tal sosten !