Porcairòla
L’illa de Porcairòla[1] es la pus granda e la pus occidentala dei tres illas d'Ieras situadas au larg de Provença.
Ten una superfícia de 12,54 km2, una forma en arc orientat èst-oèst ambé de còstas descopadas, de 7,5 km de lòng per 3 km de larg. Lo vilatge de Porcairòla, au fons d'una rada, a bailat lo nom a l'illa tota entièra e fuguèt creat a partir de 1820, lo far en 1837 e la glèisa en 1850. La còsta nòrd es formada de plajas de sabla cobèrtas de pins, de brucs e de nertas odoriferantas ; la còsta sud, de bauç. Lo parc nacionau de Pòrt-Cròs gera 75 % de l'illa dempuèi 1971 e administra dempuèi 1979 lo Conservatòri botanic nacionau mediterranèu de Porcairòla.
L'illa fa partit de la comuna d'Ieras.
Luòcs e monuments
modificar- La glèisa de Santa Anna ten un curiós camin de crotz fach au coutèu per un soudat.
- La calanca de l'Ostau de Dieu, nomenada atau per lei pescadors perqu'es lo solet abric de la còsta sud.
- Lo castèu de Sant Agata dau sègle XVIen. En 1793, los anglés prenguèron l’illa .
- Lo fòrt dau Grand Langostier, proprietat dau Conservatòri dau litorau e restaurat dempuèi 1998 per lo doctor Paul Vuillard[2].
- Lo fòrt de la Repentança bastit au sègle XIXen e transformat en monastèri ortodòxe.
- Lo far dau cap d'Arma, situat a la poncha extrèma sud portant lo mème nom.
- Lo molin, datant dau sègle XVIIIen e restaurat en 2007[3],[4].
Galariá
modificar-
Calanca e poncha dau Bregançonet, au sud de Porcairòla -
calanca de l'Ostau de Dieu, au sud -
Lei bauç de la còsta sud -
Solelh levant -
Plaja de Nòstra Dòna -
Fòrt de Santa Agata -
Paisatge porcairolenc -
La glèisa -
Lo molin -
Plaja de Nòstra Dòna vista de la Poncha dau Bon Dieu -
Poncha dau Bon Dieu
Referéncias
modificar- ↑ Frederic Mistral, Lo Tresaur dau Felibritge Pourqueirolo, Pourcairolo
- ↑ Le fort du Grand Langoustier
- ↑ Le Moulin de Porquerolles, Son histoire
- ↑ Site de Pierre Laurès : Les Chemins de Porquerolles