Poliovirús
Lei poliovirús son de virús, dau genre Enterovirus, que son leis agents responsables de la poliomieliti. Atestats tre l'Antiquitat Auta, n'existís tres tipes diferents que son existéncia foguèt demostrada per lei trabalhs dei mètges Karl Landsteiner (1868-1943) e Erwin Popper (1879-1955) en 1908-1909. Objècte de recèrcas importantas, es la buta d'una campanha d'exterminacion menada per l'Organizacion Mondiala de la Santat dempuei la concepcion de vaccins eficaç e pauc costós dins leis ans 1950. Dins la natura, es ansin vengut un virús fòrça rar, acantonat dins quauquei regions isoladas d'Afganistan e de Paquistan. En revènge, es totjorn largament utilizat en laboratòri dins lo quadre d'experiéncias sus lei virús d'ARN.
