Piu Ier

Piu I^èr (mòrt vèrs 155) foguèt, segon la tradicion catolica, lo 10^en evesque de Roma de 140 ò 142 a 155. Succediguèt a Igin (vèrs 136 - 140 ò 142) e foguèt remplaçat per Anicet (vèrs 155 - 166).

Retrach de Piu I^èr dins la Basilica de Sant Pau Fòra lei Muralhas.

Son periòde foguèt marcat per la lucha còntra lo desvolopament deis idèas gnosticas, ja excomunicadas per son predecessor. Pasmens, maugrat aquelei mesuras, lei dos teologians principaus dau gnostisme (Cerdon e Valentin d'Egipte) contunièron son òbra e foguèron ajudats per la constestacion de l'unicitat de Dieu defenduda per Marcion de Pònt. Piu I^èr excomuniquèt Marcion en 144 e foguèt sostengut au nivèu teologic per Justin de Naplus reputat per son abilitat dins lei controvèrsias religiosas.