Peroz Ier
Peroz Ièr (mòrt en 484) foguèt un emperaire sassanida que reinèt de 457 a 484. Succedèt a son fraire Hormizd III (457-459) après una revòuta e una guèrra civila. Foguèt remplaçat per son fraire Valash (484-488).
|
Peroz Ier
| |
|---|---|
 | |
| Pèça de moneda dau rèine de Peroz Ièr | |
| Biografia | |
| Naissença | ? |
| Decès | 484 |
| País: | Empèri Sassanida |
| Epòca: | Antiquitat |
| Règne: | 457 a 484 |
| Davancièr: | Hormizd III |
| Successor: | Valash |
Rèine
modificarVengut rèi après un complòt, Peroz Ièr decidèt de si protegir còntra lo risc de còp d'estat e exterminèt la màger part de sa familha. Assaièt tanben de reprimir lo cristianisme mai favorizèt lo desvolopament dau nestorianisme, considerat coma una eresia crestiana. Capitèt de gardar de relacions pacificas ambé l'Empèri Bizantin mai deguèt combatre una revòuta d'Armenia en 481. Pasmens, durant son rèine, son problema pus important foguèt la pression militara importanta dins lei regions orientalas de l'Empèri dei eftalitas, un dei grops de Huns Blancs, un pòble nomada de l'estèpa asiatica. Sostenguts per lei Bizantins, assaièt de leis atacar mai foguèt capturat. Deguèt pagar un recapte important e laissar son fiu coma ostatge durant doas annadas. En 484, rompèt aquela patz e ataquèt tornarmai lei Huns mai son armada se perdèt dins l'estèpa e foguèt esquichada. Peroz Ièr foguèt tuat durant la batalha. Sa mòrt entraïnèt una crisi grèva dins l'Empèri Sassanida en causa de la contuniacion deis invasions nomadas e de l'afondrament dei finanças roïnadas per lei tribúts successius.