Peronè

Lo peronè es un òs de la camba situat sul costat lateral del tíbia, al qual es ligat endessús e endessós. Es lo pus pichon dels dos òsses e, proporcionalament a sa longor, lo mai prim de totes los òsses longs. Son extremitat superiora es pichona, situada vèrs lo darrièr del cap del tibia, jos e a l'exterior de l'articulacion del genolh. Son extremitat inferora se clina un pauc en avant, de tal biais que se trapa sus un plan anterior a lo de l'extremitat superiora ; reganha jol tibia e forma la part laterala de l'articulacion de la cavilha.