Peitavin (dialecte)

Lu peitavin (pouétevin o poetevin localament) es un daus dos dialectes dau peitavin-santongés, linga d'oïl de la familha de las lingas romanicas. Eu es parlat dins las ancianas províncias dau Peitau e la partida nòrd de l'Aunis, aüei sur la Vendea, las Doas Sevras (fòra dau Nòrd Thouarsais), la Viena (fòra quauquas comunas occitanas au sud e lu Nòrd-Loudunais), lu sud de la Léger Atlantic (país de Retz), lu sud dau Maine e Léger (las Mauges) e dins lu nòrd-oest de la Charanta ('na partida dau Rufequés, e la "bordura oïl" dau Confolentés: Lo Boschatge e Pleuvila en partida), l'extreme nòrd de la Charanta Maritima (isla de Ré, nòrd de l'Aunís, regions de Loulay e d'Aulnay), e maitot dins quauquas comunas de l'extreme sud-oest de l'Endre (vers Lo Blanc, Bélâbre, Argenton).

Lu Peitavin (en rosseu) dins l'espaci peitavin-sentongés

Dempuei 1831 lu peitavin es associat au sentongés dins lu grope peitavin-sentongés, associacion confirmada per las publicacions d'universitarias de las universitats de Liverpool, Angers, Peitieus, Lion, Nantas, Clarmont-Ferrand, e Caen, o de l'Institut nationau de la linga francesa de Nancy.