Parlament Ongrés

Lo Parlament Ongrés es un important bastiment d'estile neogotic e eclectic, inspirat per lo Palais de Westminster, que si situa sus la riba orientala de Danubi a Budapèst. Inaugurat au començament dau sègle XX, es lo sèti de l'Assemblada Nacionala d'Ongria despí lo 1902. A aqueu títol, acuelhisse finda de servicis parlamentaris coma la Bibliotèca de l'Assemblada. En lo 2010, èra totjorn lo bastiment pus grand d'Ongria.

Lo Parlament Ongrés en lo 2017.

Istòria e descripcion

La construccion foguèt decidida dins lo quadre de l'amainatjament de Budapèst, vila formalament fondada en lo 1873, coma capitala d'Ongria après la restauracion de la monarquia magiara en lo 1867. Un concors, ganhat per Imre Steindl (1839-1902), foguèt organizat. Lu trabalhs comencèron en lo 1885 e foguèron totalament acabats en lo 1904. Totun, lo parlament s'i installèt tre lo 1902. Coma lo palais de Westminster, lo Parlament a una façada simetrica d'estile neogotic. Es lòng de 268 m e larg de 123 m, tèn 10 corts interiori, 13 ascensors e 691 pèças. L'autor dau sieu dòme es de 96 m per commemorar lo millenari de la nacion magiara (1896).

Galariá

• 
  Vista generala emb Danubi
• 
  Vista despí Buda
• 
  Lo dòme
• 
  Lo parlament illuminat
• 
  Vista aeriana dau bastiment
• 
  Escaliers principals
• 
  La corona de Sant Estève expausada sota lo dòme
• 
  Sala de l'Assemblada

Annèxas

Ligams intèrnes

• Eclectisme (arquitectura)
• Neogotic
• Palais de Westminster