Parc Nacional de Monte Alén
Lo Parc Nacional de Monte Alén es un parc nacional situat aprèp de la cadena de montanhas de Niefang, dins la region continentala de Guinèa Eqüatoriala. La sieuna superfícia es d'uns 1.400 km² de bòsc umid e la sieuna altitud es demest los 300 e los 1.200 m.
Lo bòsc de Monte Alén a una fauna e una flòra tipica del bòsc african amb d'espècias caracteristicas de la zona forestièra guineoatlantica. Es ric en plantas de la familha caesalpiniaceae, e los sieus bòsques an una granda riquesa especifica. Las montanhas mai nautas son lo Mont Alén e lo Mont Mitra.
Mès de 105 espècias de mamifèrs son estadas classadas, demest las qualas son importantas 16 espècias de primat, coma lo mandril, lo chimpanzé o lo gorilla. E mai que lo parc siá plan pichon d'autres espècias animalas son presentas coma l'elefant nan, l'elefant de bòsc e lo crocodil, demest autres.
En 2009 s'ellaborèt un plan per dirigir lo parc nacional amb lo supòrt del programa ECOFAC [1] validat tecnicament en 2010 per l'ONG ANDEGE [2] e la collaboracion de Conservation International e SEO/BirdLife [3].