Pantónio

António Correia, mai conegut artisticament coma Pantónio o Pantonio (Ilha Terceira, Açòres, 1975) es un pintor portugués. Se faguèt conéisser internacionalament en junh de 2014 quand penhèt lo mural mai grand d'Euròpa sus la Tour Sienne a la Place Vénétie de París. L'òbra, començada lo 15 de mai e sonada Tourbillon de sardines, mesura 66 m de naut e 15 m de larg e foguèt elaborada durant tot un mes.

Biografia

António Correia nasquèt en 1975 sus l'Ilha Terceira, una de las islas d'Açòres. S'interessèt tre l’adolescéncia a l'art e comencèt a participar als talhièrs d'escultura, de dessenh, de pintura e mai de modelatge de l'Institut de la Cultura d'Açòres. Puèi i expausèt las òbras qu'aviá realizat abans de partir estudiar e l'Escòla de las Arts e dels Mestièrs de Cerveira e a l'Institut politecnic de Tomar. Comencèt de presentar sas òbras per carrièra e mai tard, en 1993, integrèt un grop de joves artistas que representèron Portugal a l'ocasion del 50en anniversari de l'UNESCO.

Referéncias

<references>