Palatalizacion

La palatalizacion correspon a un desplaçament orizontau deu punt d'articulacion de cap au som deu paladar e a un ahortiment de l'articulacion. Lo contacte de la lenga dab lo palader es mei gran. Lo desplaçament se hè de l'arrèr de cap a l'abans per las consonantas velaras e de l'abans de cap a l'arrèr per las consonantas dentaus e alveolaras (per exemple, fòrsa e puish). La palatalizacion es dita faussa quan i a l'ahortiment de l'articulacion sens cap de desplaçament deu punt d'articulacion (per exemple, jorn).

Un fonèma es dit palatalizat quan lo punt d'articulacion s'es desplaçat de cap au paladar dur devath l'influéncia d'ua vocau palatau o d'un iòd.