Palais dei papas d'Avinhon
Lo Palais dei papas d'Avinhon, sovent apelat lo palais dei papas (o palays d’Avinhon en vièlh occitan[1]), es la pus granda construccion gotica de l'Atge Mejan. Foguèt bastit dins lo centre d'Avinhon, sus un pueg rocassós, la ròca de Dòm, que susplomba la riba gaucha de Ròse.
A l'encòp fortalesa e palais, foguèt la residéncia dei papas e lo sèti de la Glèisa Catolica Romana au siècle XIVen. Set papas e dos antipapas li restèron : lei premiers de 1309 a 1376, lei segonds entre 1378 e 1413. Sièis conclaus se tenguèron dins lo palais, que menèron a l'eleccion de Beneset XII en 1335, Clamenç VI en 1342, Inocent VI en 1352, Urban V en 1362, Gregòri XI en 1370, e Beneset XIII en 1394.
Lo Palais dei papas es classat coma monument istoric en 1840, e l'UNESCO l'inscriu en 1995 sus la lista dau patrimòni mondiau de l'umanitat, amb lo rèste de la vila vièlha d'Avinhon.
Dubert au public en 1907, es ara un dei monuments lei mai visitats de França : 774.325 personas l'an visitat en 2023.
Istòria modificar
Au siècle XIIIen, avans que lei papas arribèsson en Avinhon, sus la ròca ont sariá puei bastit lo palais li aviá de molins de vent e d'ostaus, amb lo palais dau podestat que s'auborava en-dessús, pròche dau palais de l'evèsque e de la glèisa de Nòstra-Dama de Dòm.[2]
La chausida d'Avinhon modificar
Au siècle XIIIen, la cort dau papa es bolegadissa. Demòra gaire a Roma e rèsta a cha una dins lei diversei vilas de seis Estats. Au virar dau siècle XIVen, una gròssa garrolha opausa lo rei de França Felipe lo Bèu e lo papa Bonifaci VIII. En 1303, l'afaire vai talamen que lo rei comanda un atemptat còntra lo papa qu'èsta dins son palais d'Anagni. En 1305, Bertrand de Gòt, archevèsque de Bordèus, es elegit papa sota lo nom de Clamenç V : demòra en França per decidir especialament de l'avenidor de l'Òrdre dau Temple, que lo rei de França li fai de graveis acusacions. En 1309, son vanegatge lo mena en Avinhon e dins la Comtat de Venissa, ont rèsta un pauc. En nomant de cardinaus, Clamenç V bastìs una majoritat francesa dintre lo Sant Collegi dei cardinaus, e bota fin a la dominacion italiana. Lei sieis papas elegits après eu son tanben francés e chausisson Avinhon coma luòc de residéncia fixa.
Es, d'aqueu temps, una chausida pron racionala : la vila apartèn au còmte de Provença, Carles II d'Anjó, rei de Naples e de Sicília, qu'es puei lo vassau dau papa, en qu pòrge son ajuda. En mai d'aquò, Avinhon es a costat de la Comtat de Venissa, una possession de la Glèisa despuei la fin dau siècle XIIIen. Aqueu territòri, au jonhent de Ròse amb Durença, pròche dau reiaume de França que li mena lo famós pònt Sant-Beneset, es una terra de patz e d'estabilitat. Plaçat a-n una crosiera, es au còr de l'Euròpa crestiana mai que Roma.[3]
Lo promier palais modificar
Après la mòrt de Clamenç V e dos annadas de negociacion, en 1316 Jacques Duèse, evèsque d'Avinhon, es elegit a Lion sota lo nom de Joan XXII. Per amor de son atge, lei cardinaus se creson alòr d'elegir mai que mai un papa de transicion. Mai viu mai de temps que l'avián previst, e eu mena una politica de centralisacion e de desvolopament de l'administracion de la Glèisa que li fai transformar l'ancian palais evescau.[3] Lei òbras, menadas per Guilhèm de Cucuron, s'acaban en 1322.[4]
Lo palais vièlh de Beneset XII modificar
Lo palais nòu de Clamenç VI modificar
Après Clamenç VI modificar
Lei sietges dau palais modificar
Lo palais après lei papas modificar
Dau siècle XIXen au jorn d'uei modificar
Situacion d'ara modificar
Proprietat e manejament modificar
Eveniments e festenau d'Avinhon modificar
Autreis usanças modificar
Arquitectura modificar
Faciada ponentesa modificar
Torres modificar
Salas principalas modificar
Capèlas modificar
Corts modificar
Jardins modificar
Representacions modificar
Dins la literatura modificar
Dins l'art modificar
Filatelia modificar
Medias modificar
Nòtas e referéncias modificar
- ↑ Petit Thalamus de Montpellier. thalamus.huma-num.fr.
- ↑ VIOLLET-LE-DUC, Eugène-Emmanuel. (1864). Dictionnaire raisonné de l'architecture française du XIe au XVIe siècle, p. 24-25. Banc.
- ↑ 3,0 et 3,1 Camin de visita dau Palais dei papas d'Avinhon.
- ↑ VINGTAIN, Dominique. (1998). Le palais des papes. La Pierre-qui-Vire, ed. Zodiaque.