Otto Strasser
Otto Johann Maximilian Strasser (10 de setembre de 1897 - 27 d'aost de 1974) èra un òme politic alemand que tenguèt un ròtle important dins lo partit nazi de 1925 a 1930. Èra una figura importanta de l'ala socializanta dau NSDAP ambé son fraire Gregor Strasser. Pasmens, quitèt lo partit en causa de desacòrdis amb Adolf Hitler. Puei, assaièt sensa succès de fondar un partit rivau dau NSDAP. En 1933, deguèt quitar lo país car son movement foguèt victima de la repression dau regime nazi. Foguèt pas autorizat a tornar venir en Alemanha avans 1955. Assaièt tanben de tornar fondar un partit poderós mai mau capitèt.
