Organizacion Democratica del Pòble Occitan

L’Organizacion Democratica del Pòble Occitan (ODPO) es una organizacion d’esquèrra marxista que lucha per lo socialisme e l’independéncia d'Occitània. Se fondèt a partir d’una scission del movement Libertat! en 2018.

Logo oficial.

L’ODPO defend l’unitat de la lenga occitana dins sa pluralitat e critica los secessionismes lingüistics. Sa tòca es una republica populara, ecologista e feminista per Occitània e la reünificacion dels occitans dels estats francés, espanhòl e italian.

Contra la substitucion e la desparicion de la lenga e de la cultura occitanas, l'ODPO lucha per la reoccitanizacion de l’Occitània entièra per l'obligacion d'aprene l'occitan a l'escòla, e mai per la collectivizacion de las grandas proprietats fonzièras agricòlas e dels monopòlis industrials.

Bandièra independentista vista pendent manifestacions de l'ODPO e lo FPRO.

Front Popular per la Republica Occitana modificar

En mai de 2019, los militants de l'ODPO lancèron lo Front Popular per la Republica Occitana (FPRO) que vòl venir una novèla organizacion de massa e de poder revolucionari occitan. Son ròtle es d'èsser una fòrça practica dins lo combat politic, concrètament dins la lucha dels obrièrs, de las femnas, de la joventut, de la cultura, dels païsans, etc. Mentre que l'ODPO restarà una avantgàrdia intellectuala.

Ligams extèrnes modificar