Operacion Auca
L’Operacion Auca es una temptativa menada per de missionaris evangelista estatsunidencs de convertir lei Huaoranis. Se debanèt en 1955-1956 e s'acabèt per una revirada qu'es venguda un simbòl fòrça utilizat per la propaganda evangelista.
L'operacion acomencèt en setembre de 1955. Lei Huaoranis èran un pòble de la Seuva Amazonica. Installats dins una region fòrça isolada d'Eqüator, èran reputats per sa violéncia còntra lei personas qu'intravan sus son territòri. Aquò ne'n fasiá una buta per lei movements religiós en cèrca de conversions espectaclosas. De missions aerianas larguèron de donas sus de vilatges huaoranis. Puei, de cambis regulars de presents foguèron realizats entre de Huaoranis e de missionaris installats a quauquei quilomètres dei vilatges. Enfin, au començament de genier de 1956, un grop de cinc evangelistas intrèt sus lo territòri huaorani. I foguèron tuats tre lo 8 entraïnant la revirada de l'operacion.
Dins aquò, la mòrt dau grop mobilizèt d'esfòrç novèus de part deis evangelista estatsunidencs. Après plusors annadas, certanei capitèron de s'installar au sen dei Huaoranis. I obtenguèron mai d'una conversion e una quasi disparicion de la violéncia territòriala. Pasmens, la difusion dau cristianisme entraïnèt tanben una disparicion de certanei partidas de la cultura huaorani.