Novèla Accion Reialista
La Novèla Accion Reialista (en francés Nouvelle Action royaliste), abreujada NAR, es un movement politic francés monarquic fondat en 1971. Los aderents de la NAR son considerats coma de «reialistas d'esquèrra». Son cap, Bertrand Renouvin, cridèt sos partisans a votar pel socialista François Mitterrand durant las eleccions presidencialas de 1981 e de 1988. En novembre de 1989, la NAR a rejonch lo movement «89 pour l'égalité», que luchèt per obténer lo drech de vòt dels immigrats als costats de SOS Racisme.
