Nino Ferrer
Nino Ferrer, nom de scèna d'Agostino Arturo Maria Ferrari, es un cantaire francés d'origina italiana per son paire, nascut lo 15 d'agost de 1934 a Gènoa (Itàlia) e mòrt en Occitània lo 13 d'agost de 1998 còsta Montcuc,[1] a Sent Çabrian (Carcin).[2]
Arribat en França a París après la Segonda Guèrra Mondiala, estúdia l'arqueologia en jogant de contrabassa dins un grop de jazz amator. Après sos estudis, se lança seriosament dins la musica. Obten fòrça succès en 1965 e 1966 ambe doas cançons risolièras, Les cornichons a la fin de 1965, e sustot Mirza en 1966, cançon qu'evòca un òme qu'a perdut son can e lo cerca pertot. En seguida, Oh ! Hé ! Hein ! Bon !, Le téléfon, Mao et Moi, Mon copain Bismarck, etc., autres tubes risolièrs dins lo meteis estili que Mirza e Les cornichons, l'impausan coma l'un dels cantaires franceses màgers de la fin de las annadas 1960.
Dins las annadas 1970 e 1980, se vira un pauc cap al ròck (Rock n'roll cow-boy, 1983), quitament s'a puslèu de succès ambe baladas (La maison près de la fontaine, 1972). A tanben fach un pauc de cinèma e de pintura.
L'una de sas cançons las mai conegudas, Le Sud (en 1975), evòca son enfança passada en partida dins la familha del costat de sa maire en Nòva Caledònia.
Sa cançon Mirza es estada parodiada en occitan (Mon gat) pel grop Test (Christian Almerge).
Cançons mai conegudas
modificar- Pour oublier qu'on s'est aimé (1963)
- Les cornichons (1965)
- Mirza (1966)
- Alexandre (1966)
- Oh ! Hé ! Hein ! Bon ! (1966)
- Je veux être noir (1966)
- Le téléfon (1967)
- Mao et Moa (1967)
- Mon copain Bismarck (1967)
- La maison près de la fontaine (1972)
- Le Sud (1975)
- New York (1975)
- Rock n’roll cow-boy (1983)
- Notre chère Russie (1993)
- Marcel et Roger (1995)