Niagara (pop francesa)

Niagara es un grop de pop rock francés eissit del corrent new wave format en 1982. A conegut una fama fòrça importanta en França a la fin de las annadas 80 e dincas al començament de las annadas 90, puèi se son desseparats en 1993.

Muriel Moreno (de son nom vertadièr : Muriel Laporte), cantaira del grop Niagara

Biografia

Niagara s'es format a Rènnas de Bretanha autorn del duò Muriel Moreno (Muriel Laporte, cantaira francesa originària de Torena) e Daniel Chevenez (als clavièrs e a la guitarra). Mantuns musicians an participat al grop sus l'empont o en estudiò, per exemple, la formacion iniciala entre 1982 e 1986 èra puslèu un triò (ambe José tamarin). Lor nom Niagara es tirat del títol del filme de 1953 ambe Marilyn Monroe.

D'orientacion synthpop al començament ambe lor primièr album (Tchiki boum, lor primièr tube en 1986, o L'amour à la plage, lor cançon la mai coneguda), lo grop s'es pr'aquò obèrt a d'autres estilis coma lo rhythm and blues (Assez, 1988) o lo quite heavy metal (J'ai vu, 1990).

An sortit quatre albums estudiòs entre 1986 e 1992, e son estats pendent aquesta periòda un dels mai populars dels grops pop rock francés new wave còsta Indochine o encara los Rita Mitsouko, autre duò als quals son estats sovent comparats (o opausats).

Discografia

• 1986: Encore un dernier baiser
• 1988: Quel enfer !
• 1990: Religion
• 1992: La vérité

Cançons mai conegudas

• Tchiki boum (1986)
• L'amour à la plage (1986)
• Je dois m'en aller (1986)
• Quand la ville dort (1987)
• Assez (1988)
• Soleil d'hiver (1988)
• Flammes de l'enfer (1989)
• Baby Louis (1989)
• J'ai vu (1990)
• Pendant que les champs brûlent (1990)
• Psychotrope (1991)
• La Fin des étoiles (1992)
• Un million d'années (1993)