Nematomorpha

Los nematomòrfes (Nematomorpha) son de vèrms non-segmentats del còrs cilindric. Son extrèmament longs e fins. Lor cap es de meteissa largor que lo còrs. Mesuran en mejana de 0,5 a 2,5 mm de diamètre per 10 a 70 cm de longor, la femèla es mai longa que lo mascle. Tanben son apelats gordian a causa de l'impression que balhan de far de noses complicats amb lor còrs.

Ecologia

Se rencontra de nematomòrfes dins totes los environaments aquós : aigas doças, aigas saladas, tèrras umidas. Los adultes an una vida liura mentre que las larvas son sistematicament parasitas d'un artropòde. La larva dintra dins la cavitat corporala de l'òste amb l'ajuda d'una trompa provesida de croquets. S'i desvolopa e, un còp la metamorfòsi efectuada, un adulte vermifòrme acaba per sortir. Dins lo cas d'un òste terrèstre la larva pòt arribar, per un mejan encara desconegut, a lo manipular per lo far rejónher un punt d'aiga.

Classificacion

Se compta 325 espècias repartidas en 2 classas.

Classas e òrdres

• Classa dels Gorgioida
  • Chordodea
  • Gordea
• Classa dels Nectonematoida
  • Nectonema

Ligams extèrnes

• Referéncia Fauna Europaea : Nematomorpha (en)
• Referéncia ITIS : Nematomorpha Vejdovsky, 1886 (fr) (+ version anglesa (en))
• Referéncia Animal Diversity Web : Nematomorpha (en)
• Referéncia NCBI : Nematomorpha (en)