Naveta espaciala
Una naveta espaciala es un veïcul espaciau reutilizable capable de tornar venir sus Tèrra en realizant un aterratge mestrejat coma un avion. Aqueu concèpte s'opausa a aqueu dei veïculs amb una trajectòria quasi balistica qu'utilizan de paracasudas ò de retrofusadas per aterrar. A l'origina, l'objectiu èra desvolopar un veïcul espaciau capable de demenir lo còst de mesa en orbita de satellits pesucs. Dins aquò, lei navetas concebudas podián pas s'enaurar sensa l'ajuda d'una lançaire convencionau.
Dos país, leis Estats Units e l'URSS, s'engatjèron dins la fabricacion de navetas. Precursor, lo programa estatsunidenc capitèt de produrre una flòta que foguèt utilizada de 1981 a 2011. D'una massa de 70 t, èran capablas de portar una carga de 24,5 tonas en orbita bassa. Foguèron tanben utilizadas per de missions espectaclosas coma la reparacion dau telescòpi espaciau Hubble ò l'assemblatge de l'Estacion Espaciala Internacionala. Pasmens, en causa de sa mantenença complèxa, son còst d'utilizacion èra considerable. De mai, doas navetas explosèron en 1986 e en 2003 entraïnant la mòrt de seis equipatges. Ansin, lo programa foguèt arrestat au profiech de veïculs espaciaus pus convencionaus.
Lo programa sovietic foguèt pus tardiu. D'una massa de 105 t, lei navetas societicas avián una carga utila de 30 t en orbita bassa e dispausavan d'un sistèma de guidatge automatic capable d'operar un vòl complèt sensa equipatge. Una unitat unica foguèt completada. Realizèt un vòl experimentau en 1988 mai lei dificultats economicas de l'URSS menèron a l'abandon dau programa (oficialament en 1993). Una segonda naveta èra quasi acabada.
Liames intèrnes
modificarBibliografia
modificar- (fr) Ewen Chardronnet, « La navette américaine ou l'impasse du premier vaisseau réutilisable », Ciel & Espace, abriu-mai de 2021, n°576, pp. 80-87.