Natofian
Lo Natofian qu'ei ua cultura arqueologica epipaleolitica deu Lhevant mediterranèu qui's situa de 14 500 a 11 500 abans lo present, dab las purmèras experiéncias de sedentarizacion. Aqueth periòde que pren lo nom deu Wadi en-Natuf, en Cisjordania, on se tròba l'espeluga de Šuqba. En 1928, l'arqueològ britanic Dorothy Garrod que i descrobí los purmèrs testimoniatges d'aquera cultura. Dens lo son airau geografic, lo Natofian succedeish au Kebarian e precedeish lo Ḫiamian.
