Nathalie Vincent

Nathalie Vincent, nascuda lo 3 d'octobre de 1972 a Lilla (al Nòrd de França), es una animatritz de television e actritz francesa. Dins las annadas 1990, es tanben estada cantaira, corista e dançaira dins los projèctes tècno-dance Pin-Occhio e Pleasure Game (a partir de 1993), puèi de Boris a partir de 1995 en seguida de Pleasure Game.

L'animatritz de television francesa Nathalie Vincent, aquí en 2019 en Occitània, en Avinhon

Comença coma presentatritz de television a la cadena locala de M6 de la region del Nòrd. Puèi la cadena la convòca a París per animar una emission nacionala : aital, de 1996 a 2001, Nathalie Vincent remplaça alavetz Caroline Avon a la presentacion de M6 Kid, l'emission joventut de la cadena.

En 2001, presenta Incroyables animaux, E=M6, Découverte e Dance Machine. Se vira en seguida cap a las emissions musicalas, en venent cronicaira del Hit Machine e del Morning Live en presentant Star Six ambe Alexandre Delpérier.

A partir de 2003, rejonh sus TF1 Christophe Dechavanne per far la cronica « Le coût de folie de Nathalie » dins l'emission que produtz, Combien ça coûte ?.

A partir de 2006, intègra la distribucion de la seria Brigade Navarro, còsta Filip Nikolic (ancian cantaire dels 2Be3), Anthony Dupray o Viktor Lazlo.