Lo naduèlh (var. anaduèlh, naduòlh, anolh gasc.) o liset (Anguis fragilis) es un reptil apòde. Tanben conegut jol nom de sèrp de veire o sèrp bòrnia en gascon, qu'aperten al subòrdre de las cernalhas.

Autres nomsModificar

  • orguei (provençal).
  • avanuelh, enduelh, viruelh, vanuelh (lemosin).
  • anaduelh, anadeu (auvernhat).
  • orbissan, orbissana, gorgassan, arbacan/arbecan/erbacan, cuca lusenta, sèrp avugla/bòrnia, culaura/curaula bòrnia, quiraula gorda, òrba/òrpa, hissacan, hissapè, picadivendres, divendres, liron, liset, loïsana (gascon).
  • agulhon (aupenc).

Morfologia e abitudsModificar

 
Primièr plan del cap del naduèlh.

Se tracta d'una cernalha sens patas que sovent se confond amb una sèrp. Pot assolir fins a 50 centimetres de long. La seuna coa es longa, sovent mai longa que la rèsta del còs e lo cap, mas coma las autras cernalhas, ten la capacitat de s'automutilar per s'escapar d'un predador. Dins aqueste darrièr cas, la coa recupera pas las dimensions inicialas.

Es un animal diürne, vivipar, que a la diferéncia de las sèrps, muda sa pèl per placas e pas entièra.

EtnologiaModificar

Vejatz Revue des Langues Romanes n. 4, p. 317-320