Montanhas Blavas

Las Montanhas Blavas (Ered Luin en sindarin) son una cadena de montanhas fictivas de la Tèrra del Mièg de l'escrivan J. R. R Tolkien. Aquelas montanhas desseparavan, pendent la Primièra Edat Beleriand d'Eriador. Aprés la destruccion de Beleriand, quora lo gòlf de la Luna arribèt a se dubrir e desseparar aquelas montanhas en doas cadenas encara demorèron entre Eriador e Lindon, lo darrièr vestigi de Beleriand.

Pendent la Primièra Edat, de nans arribèron a las Montanhas Blavas e fondèron las vilas de Nogrod e Belegost, abans de las abandonar per s'amassar a d'autras populacions de nans e fondar Khazad-dûm, mai que mai pr'amor de l'inondacion definitiva de Beleriand. Pasmens, encara i demorèron qualcunes nans del Pòble de Durin, dirigits per Thrain IId que i demorèron dempuèi l'an 2802 de la Tresena Edat, quand foguèron perseguits e calguèt las abandonar pr'amor d'Smaug.

Malgrat aquò, Erebor tornèt a èsser conquistat per la companhiá de Thorin e las Minas d'Erde Luin foguèron totjorn abitadas per de nans qu'avián coma rei lo Rei Jos la Montanha.

Segon Tolkien Erde Luin aviá un depàus flac de Mithril que finiguèt pendent lo començament de la Segonda Edat.

La montanha la pus nauta de las Montanhas Blavas o Ered Luin èra lo Mont Dolmed, que foguèt pas destruch pendent l'inondacion de Beleriand en l'an 587 de la Primièra Edat.