Dobrir lo menú principal

Mite de la creacion deu monde en Egipte antica

La divessa Not deus còs semiat d'estelas caperant lo son ajòu Ra, diu deu so deu cap de haucon

Segon lo mite de la creacion deu monde en Egipte antica dens la cosmogonia elipolitana abans la creacion eu monde non i avèva pas sonque lo Nom, un mena de mar grana celestiau. Lo Non qu'exiteish enqüera com ua mena d'espaci increat e caotic en marge de la creacion ordenada. Cada ser, Ra, diu deu so deu cap de haucon e lo son arrèr hilh deu cap de can Seth que s'i pelejan contra la hosca sèrp de las tenèbras Apofís. D'aqueth Non ua isla de sable que pugè au lòc qui hore lo Temple d'Eliopòlis. Sus aquesta isla Ra (o los sons aute avatars equivalents com lo marro Khnom o l'escarabalh Khafri) que's creè eth medish, puish, dab la soa sola semença que creè Sho (diu de l'aire) e Tefnot(divessa de l'umiditat) ; lo hilhs d'auqeth dus que hon Not (divessa deu cèu) e Geb (diu de la tèrra).

Dens l'iconografia egipciana Sho, Not e Tefnot que fòrman ua triada, lo purmèr desseparant los dus autes. A maugrat de l'oposicion de Ra, Not e Geb que's maridèn mes, maudida, Not non podó pas mainadar dinc a au jorn qui Djehoti (tanben aperat Tòt), per rusa au jòc dab lo diu de la lua Khonso, e obtiengó cinc dias mei dens lo calendari (lo dias epagomènes) qui la malediccion n'avèva pas cap ehèit. Atau que vadón los quate hrairs: Osiris, Isis, Neftis e Seth. Osiris que's maridè dab Isis e Neftis dab Seth. Aqueth darrèr, gelós de qu'Osiris e hosse faraon, que l'aucidè en bèth copà'u en mantuns tròç. Isis que huegè e qu'avó Òrus, lo hilh postum d'Osiris que confiè a la divessa Atòr (o a las divessas Oadjet e Nekbet segon las versions). Puish Isis que se'n anè cercar e amassar los tròç d'Osiris per l'embaumar dab l'ajuda de Neftis e deu hilh qu'avó aquesta en secret dab Osiris : Anubis, lo diu deu cap de chacau qui mia los morts. Un còp tornat assemblat (sonque lo tròç lo mei intim e mancava) e correctament enbaumat, Osiris que vadó rei e jutge deus morts. Enter temps, Òrus, en bèth váder gran, que declarè la guerra au son onco Seth. Ua guerra furiosa qui los dius b'estanquèn en perpausar un jutjament qui Geb e'n hore lo jutge. La sentècia que he d'Òrus lo faraon (e desempuish qu'ei lo diu deus faraons) e de Seth lo rei deu desèrt.

Que n'i a qui reconeishen dens aquesta comologia la creacion biblica deu monde e lo purmèr murtre de Abel. La mitologia egipciana que conta tanben quin Ra e catiguè los òmis en mandat la divessa Sekhmet deu cap de leona entà lo exterminar abans de l'estancar ; aquiu, de segr, que's pòt trobar ua version deu Diluvi.

All Gizah Pyramids.jpg Portal Egiptopèdia
Accedissètz dirèctament als articles de Wikipèdia concernent l'Egipte antica :

Istòria | Geografia | Organizacion politica | Faraon | Art | Mitologia | Dius | Vida vidanta | Bibliografia | Egiptològs | Lexic