Mesa (geomorfologia)
Una mesa es un pichon platèu ò una gròssa mota amb una cima plana e de pendas sobdas. Es un relèu tabular caracteristic dei regions aridas format per l'erosion diferenciala e de movements tectonics. Lei pus famosas se situan dins lo sud-oèst deis Estats Units mai i a tanben de mesas dins plusors regions dau monde, especialament en Espanha, en Africa, en Índia, dins la Peninsula Aràbia e en Austràlia. Dins lo Sistèma Solar, de relèus similars son estats identificats a la superficia de Mart.
