Mercedes-Benz

Mercedes-Benz es un fabricant d'automobilas alemand, una division multinacionala del constructor alemand Daimler AG. La marca es coneguda pels veïculs de luxe, buses, veituras, e camions. Lo sèti de Mercedes-Benz es a Stuttgart, dins l'estat federal de Baden-Württemberg, en Alemanha.

Lògo oficial de Mercedes-Benz

Istòria

A l'origina Carl Benz creèt la primièra veitura amb motor de combustion foncionant a l'esséncia, la Benz Patent Motorwagen, finançada per Bertha Benz e brevetada en genièr de 1886; Gottlieb Daimler e l'engenhaire Wilhelm Maybach convertiguèron una diligéncia per addicion d'un motor d'esséncia un an pus tard. La primièra automobila Mercedes foguèt comercializada en 1901 per Daimler-Motoren-Gesellschaft. Los primièrs veïculs de marca Mercedes-Benz foguèron produïts en 1926, après la fusion de las entrepresas de Carl Benz e Gottlieb Daimler en Daimler-Benz companhiá.