Megalneusaurus

Megalneusaurus rex ei un reptil marin escantit dera familha des plesiosaures. Demorèc pendent eth jurassic inferior (hè 160 milions d'ans). Es sues despulhes an sigut trapades en Wyoming e Alaska (Estats Units).

Megalneusaurus rex siguec un plesiosaure que demorèc pendent eth jurassis inferior en Wyoming e Alaska.

Descripcion

Damb plan pauques rèstes fossils, Megalneusaurus ère, de segur, un des pliosaurids mès grani, un grop de plesiosaures damb cap gran e còth cuert. Eth sòn cos cos avia ua forma idrodinamica mès desparièra dera d'autes itiosaures. Segontes es fossils aguest animal hèia mès de 12 m de longada e sòn cran d'aperaquí 3 m.

Fossils

Es prumèrs fossils d'aguest plesiosaure sigueren trapats en 1898 per Wilbur Knight que l'aperèc damb eth nom de Megalneusaurus rex. Willinston, ath sòn torn, estudièc es despulhes trapades en 1902 e confermèc qu'es pates anteriors d'aguest plesiosaure hèien mès de 2 m de longada. D'autes despulhes trapades dempús s'an perdut (vertèbres, aletes, etc ) e aué es soletes rèstes sus es quals se pòt rebastir era sua esqueleta son era aleta anterior e bèri ues vertèbres e troçi d'uassi pectorals. Un aute especimèn siguec trapat en Alaska mès es mesures son mès petites (ua longada de sonque 3,5 m) e se pòt pas confermar qu'estosse un Megalneusaurus.

Bibliografia

· Williston, S W. 1903. North American plesiosaurs. Part I. Field Columbian Mus. Pub. 2:1-77.

· Weems R E, and Blodgett R B. 1996. The pliosaurid Megalneusaurus: A newly recognized occurrence in the Upper Jurassic Neknek Formation of the Alaska peninsula. Bull. U.S. Geol. Surv. 2152:169-75.