Marguerite Perey
Marguerite Perey (19 d'octòbre de 1909, Villemomble - 13 de mai de 1975, Louveciennes) foguèt una chimista francesa dau segle XX. Especializaa dins l'estudi dels compausats radioactius, es mai que mai coneissua per sa descuberta dau franci en 1939. Foguèt professora titulària de la cadiera de chimia nucleara de l'Universitat d'Estrasborg (1949) e foguèt la prumiera femna elegia correspondenta de l'Acadèmia de las Sciéncias en 1962[1]. Victima d'un cancer causat per los efiechs de las radiacions, aguèt un ròtle important dins la mesa en plaça de reglas de seguretat dins los laboratòris de recherchas sus la radioactivitat.