Malanvila

Malanvila (Malanville en francés e oficialament) es una vila de Benin situada al nòrd-èst del país, a la broa del flum Nigèr, a la frontièra amb Nigèr e a proximitat d'aquela amb Nigèria. Desservida per la rota nacionala inter-estats (RNIE 2), es lo cap-luòc de la comuna del meteis nom, dins lo departament d'Alibòri.

Istòria

Wolo es un vilatge de ramadièrs e de pescaires situat a la broa de Nigèr. Son nom en zarma es Tassi, arena. Mantes barris s'espandisson : Tassi-Zenon (« Tassi Vièlh »), Wouro Hesso, Tassi-Tédji (« Tassi Nòu »), Galiel, ont vivon dendis e Aussas. Lo comèrci (bestial, peisses, cebas) amb los païses vesins, e subretot son mercat, contribuisson a sa notorietat. Amb Gaya, la vila nigerina qui li fach fàcia de l'autre costat del flum, jògue un ròtle motor dins l'espaci transfrontalièr.

Dins las annadas 1940 la localitat acèssa una garnison militara e de foncionaris colonials. Las casas redondas tradicionalas son remplaçadas pels ostals cairats tipics del sud del Benin.

La vila es apelada Malanvila pels militars qui s'i tròban lo jorn de la mòrt d'Henri Malan (1869-1912), que foguèt un temps luòctenent-governador francés del Dahomey. Malan èra sortit de la familha valdesa dels Malans, entre Angruenha e Lusèrna e Sant Joan.