Maire de Dieu de Núria

La Maire de Dieu de Núria (Mare de Déu de Núria en catalan) es una escultura e un santuari que se tròban dins la Val de Núria, municipalitat de Queralbs (Ripollés). Es la patrona principala del diocèsi d'Urgèl amassa amb Sant Ermengol.

Segon la tradicion, Sant Gil arribèt dins la val cap a l'an 700 e i residiguèt pendent quatre ans. Totjorn segon la legenda, Sant Gil va escalprar un imatge de la Verge qu'amaguèt dins d'una cauna en fugissent de la val quand los romans comencèron una persecucion contra los crestians.

Çò cèrt es que l'imatge de la Maire de Dieu de Núria que se venèra uèi lo jorn es una escultura datada del sègle XII o XIII. S'agís d'una escultura de fusta d'estil romanic.

Amb traches de caire primitiu, l'òbra consèrva encara la siá policromia dins un perfièch estat de conservacion. Los pastres consideravan aquela verge la patrona de la fertilitat. Lo coronament canonic de la Maire de Dieu de Núria se debanèt l'an 1965. La siá fèsta se celèbra lo 8 de setembre. La tradicion vòl que quand qualqu'un demanda a la Maire de Dieu de Núria d'aver un filh, s'aquel es un mainat, s'a de batejar amb lo nom de Gil e s'es una mainada amb lo nom de Núria.