Maime lo Confessaire
Maime lo Confessaire (vèrs 580 - 662) foguèt un monge e un teologian bizantin dau sègle VII. Es considerat coma sant per lei Glèisas Catolica e Ortodoxa.
Nascut vèrs 580, seriá vengut a 30 ans Premier Secretari de la Cort de l'emperaire Heraclius (610-641). Participèt a la lucha dei partisans dau concili de Calcedònia còntra leis eresias que s'èran desvolopadas dins lo bacin mediterranèu. Pasmens, leis evolucions teologicas deis emperaires successius entraïnèron son arrestacion e son procès en 653. Foguèt exilat en 655 e refusèt plusors ofèrtas imperialas de person e de reconciliacion. Aquò entraïnèt una segonda condamnacion en 662 e foguèt amputat de sa lenga e sa man drecha, çò que causèt rapidament sa mòrt.
Son trabalh teologic es fòrça importanta e seis òbras aguèron una influéncia importanta sus lei teologians de la segonda mitat dau sègle VII. En particular, participèron a la condamnacion dau monotelisme coma eresia au tresena concili de Constantinòple en 680-681.