Lucio Dalla

Lucio Dalla (Bolonha, 4 de març de 1943 - Montreux, Soïssa, 1 de març de 2012) foguèt un cantautor, pianista e clarinetista italian. Foguèt un dels cantautors mai famoses de la musica italiana del sègle XX. Sa cançon mai celèbra mondialament es "Caruso", un omenatge al cantaire d'opèra Enrico Caruso e espelida en 1986, que foguèt interpretada puèi per mantun cantaire internacional famós coma per exemple lo tenòr Luciano Pavarotti, l'espanhòl Julio Iglesias, l'american Josh Groban, la belga Lara Fabian, lo francés Florent Pagny o encara lo cantaire franco-italian Claudio Capéo.

Lucio Dalla

Biografia

Lucio Dalla nasquèt en 1943 dins una familha de la classa mejana bolonhesa. Son paire, Giuseppe Dalla, èra director del club de tir de sietas de la vila e sa maire, Iole Melotti, èra cordurièra. La vida del jove Dalla se vegèt cambiada drasticament quand lo paire moriguèt en seguida d'una tumor en 1950. Lo dròlle foguèt mandat alara al Collègi episcopal Pio X a Trevís. Foguèt gràcias a son oncle Ariodante Dalla, un cantaire melodic pro popular durant las annadas 40 e 50, que Lucio s'endralhèt sus una trajectòria musicala en aprendre l'acordeon.

Discografia

• 1999 (1966)
• Terra di Gaibola (1970)
• Storie di casa mia (1971)
• Il Giorno aveva cinque teste (1973)
• Anidride solforosa (1975)
• Automobili (1976)
• Come è profondo il mare (1977)
• Lucio Dalla (1979)
• Banana Republic (1979) amb Francesco De Gregori
• Dalla (1980)
• Lucio Dalla (Q Disc) (1981)
• Dalla 1983 (1983)
• Viaggi organizzati (1984)
• Bugie (1985)
• DallAmeriCaruso (1986)
• Dalla/Morandi (1988)
• Cambio (1990)
• Amen (1992)
• Henna (1993)
• Canzoni (1996)
• Ciao (1999)
• Live @ RTSI (2000)
• Luna Matana (2001)
• Lucio (2003)
• 12.000 lune (cofanetto/raccolta) (2006)
• Il contrario di me (2007)
• La neve con la Luna (2008)
• Angoli nel cielo (2009)
• Work in Progress (2010) amb Francesco De Gregori

Ligams extèrnes

• Lucio Dalla Official Web Site
• (en) Lucio Dalla sus l’Internet Movie Database