Los corbasses

Los corbasses es una cançon de Claudi Martí en lenga occitana :

Gents del país d’Occitania
Vos vau cantar una cançon
serà un conte d’un còp èra
una funèbra orason.

Jos lo solelh i aviá un pòble
ni mai ni mens grand que nosaus
amb una sola diferéncia:
èra mèstre del seu ostal.

Vaquí qu’un jorn de Tramontana
arribèt lo pòble corbàs
diguèt: « Demorarem pas gaire
venèm son que vos ajudar ».

Demorèron mai de sèt sègles
chapèron tot, vinhas e blats,
bòsques e camps, òmes e femnas,
ges de país mai ajudat.

Òme d’òc, escota mon fraire,
se dins ton òrt i a un corbàs
rapèla-te d’aquela istòria:
pren un fusilh, lo manques pas !