Dobrir lo menú principal
LoCid.jpg

Lo Cid qu'ei ua tragi-comedia de Pierre Corneille escrita en publicacada en 1636 basada suber l'istòria de Rodrigo Diaz de Vívar (lo Cid Campeador) personatge istoric de l'Etat Mejana qui la soa vita b'ei contada dens lo Cantar de Mio Cid. L'òbra de Corneille que ho totun inspirada mei directament per la tragedia en castelhan de Guillén de Castro y Bellvís : Las Mocedades del Cid (La joentut deu Cid).

Lo Cid que ho a l'origa de la querela deu Cid on la pèça e ho acusada de non pas seguir las convencions deu teatre classic.

PersonatgesModificar

  • Don Rodrigue : hilh de don Diegue e aimador de Shimèna.
  • Shimena : hilha de don Gomes.
  • Don Gomes : comte de Gormas, pair de Shimena e ofensor de don Diegue.
  • Don Diegue : pair de Rodrigue.
  • Doña Urraca : infanta de Castelha (amorosa, en secret, de Rodrigue).
  • Don Ferran : rei de Castelha.
  • Don Sanche : amorós de Shimena.
  • Elvira : governanta de Shimena.
  • Leonòr : governanta de l'infanta.
  • Don Arias e don Alonse : gentius castelhans aimadors de Shimena.

ResumitModificar

Don Diegue e don Gomes, comte de Gormas, qu'an decidit de maridar los lors dus hilhs e hilhas respectius : Rodrigue e Shimena. Totun, gelós que lo rei b'aja causit lo vielh Rodrigue com preceptor deu son hilh, Gomes que'u geta lo son guant. Rodrigue, tròp vielh per relevar l'aufensa, que demanda au son hlih d'ac har per eth. Rodrigue que prem enter lo son amor per Shimene e lo son dever de hilh mes, indigne d'era se demoresse desonorat, que des•hida e qu'aucid lo comte. Shimena, au son torn partajada enter lo son amor per Rodrigue e lo son dever de hilha, que demanda lo son cap au rei de Castelha. Ua ofensiva deus maurs que balha lo l'ocasion a Rodrigue de torna cruba l'estima deu rei qui lo gracia. Shimena que demanda alavetz un dule enter don Sanche (amorós d'era) e Rodrigue dab la promessa d'esposar lo vencedor, qui fin finau b'ei Rodrigue.