Ljuba Welitsch

Ljuba Welitsch (en bulgar Люба Величкова, Ljuba Veličkova), nascuda a Borissovo en Bulgaria lo 10 de julhet 1913 e mòrta a Viena en Austria lo 1èr de setembre 1996, èra una famosa soprano lirica bulgara, puèi austriaca.

Ljuba Welitsch, 1939

Biografia

Aprèp los estudis a Sofia e a Viena Ljuba Welitsch faguèt los debuts en 1936 a Sofia. Contunhèt ambe d'engatjaments a Graz (1937-1940), Amborg e Munic. De 1946 a 1964, foguèt sòcia de l'Operà d'Estat de de Viena. En 1949, faguèt los debuts al Metropolitan Opera de Nòva York e cantèt en totes los grands operàs e al Festenal de Salzborg.

Dins Salome de Richard Strauss, lo ròtle-títol foguèt dins sa carrièra lo que mai la faguèt e la fa encara famosa dins lo mond entièr. En 1944, lo cantèt pel 80n aniversari del compositor jos sa direccion. Ambe Salome faguèt tanben los debuts en 1947 al Covent Garden de Londres, e en 1949 al Met de Nòva York. Tatiana dins Eugèni Oneguin, Tosca, Donna Anna dins Don Giovanni, Musetta dins La Bohème.

Moriguèt en 1996 a Viena e foguèt sebelida al Cementèri central de Viena dins una tomba d'onor (Grop 40, numerò 176). En 2008, a Viena-Landstraße (3n arrondiment) s'inaugurèt la Ljuba-Welitsch-Straße (carrièra Ljuba Welitsch).

Enregistraments

• Richard Strauss: Salome, Metropolitan Opera New York, jos la direccion de Fritz Reiner, 1949 e 1952
• Ljuba Welitsch: Her Historical Live Performances (The Radio Years)
• The Art of Ljuba Welitsch, Preiser Records, 2002
• Ljuba Welitsch, Salome (Closing Scene, etc), EMI Great Recordings of the Century, o Références.

Nòtas e referéncias

• L'article es mai que mai una traduccion dels articles alemand e anglés.