Liga del Nòrd
La Liga del Nòrd (ancianament en italian Lega Nord per l'Indipendenza della Padania e dempuèi 2018 simplament La Lega) es un partit politic italian d'extrèma drecha fondat en 1989 per Umberto Bossi. Dempuèi 2017, lo president es Matteo Salvini. La Liga del Nòrd es un partit populista, regionalista, eurosceptic e xenofòb. Sa tòca es l'autonomia de Padània e la cessacion de l'immigracion clandestina.
Après la capitada de las eleccions de 2018, dintrèt al govèrn italian dins una coalicion amb lo Movement de las Cinc Estelas. A dempuèi abandonat las revindicacions passadas d'independentisme en favor d'una estrategia populista italiana jos la direccion de Matteo Salvini.
