Leon VIII

Leon VIII foguèt lo 131^en papa de la Glèisa Catolica dau 4 de decembre de 963 au 1^er de març de 965. Succediguèt a Joan XII (955-963) e foguèt remplaçat per Joan XIII (965-972).

Retrach dau papa Leon VIII dins la Basilica de Sant Pau Fòra lei Muralhas.

Foguèt elegit papa a l'iniciativa de l'emperaire Oton I^èr (936-973). Deguèt premier luchar còntra Beneset V (963-964) qu'èra estat elegit papa per d'adversaris dau Sant Empèri. Aqueu conflicte durèt fins a la destitucion de son rivau en julhet de 964 per lei soudats de l'emperaire.

Durant lo rèsta de son pontificat, Leon VIII auriá redigit tres documents (Privilegium majus, Privilegium minus e Cessatio donationum) qu'èran de renonciacions a totei lei donacions fachas a la Glèisa dempuei lo rèine de Pepin lo Brèu. Pasmens, son probable de faus.

Liames intèrnes

• Lista dei papas.