Lagremas de Jòb

Coix lacryma-jobi

Aspècte general de Coix lacryma-jobi

Classificacion

Règne	Plantae
Sosrègne	Tracheobionta
Division	Magnoliophyta
Classa	Liliopsida
Sosclassa	Commelinidae
Òrdre	Cyperales
Familha	Poaceae
Genre	Coix

Nom binominal

Coix lacryma-jobi
L., 1753

Classificacion filogenetica

Classificacion filogenetica

Òrdre	Poales
Familha	Poaceae

Las Lagremas de Jòb (Coix lacryma-jobi), es una planta angiospèrma, de la familha Poaceae, utilizada dins l'alimentacion e la medicina d'Asia orientala. Es tanben coneguda jol nom de Coix Lacryma-Jobi. Aquela planta es originària de Birmania, mas es largament utilizada dins un fum de païses asiatics.

Coix lacryma-jobi - Musèu_d'Istòria_Naturala_de_Tolosa

Qualitats e proprietats

Aquela planta es tradicionalament utilizada dins la medicina chinesa per sas proprietats diureticas. Mai recentament se son descobertas de vertuts fins ara amagadas. Se ditz atal que pòt quitament luchar contra qualques fòrmas de càncer e contra lo colesteròl.

Es tanben utilizada coma una cereala, o per far d'alcòl o encara coma ingredient dins de sopas.

Noms dins los païses asiatics

Sanscrit: Vyjanti beads, gavedhuka, Moosho capuanas

Chinés: las plantas se sonan chuān gǔ (川谷) o yì yǐ (薏苡). Los grans se sonan yì rén (薏仁) o 'yì mǐ (薏米).

Vietnamian: bo bo, hột bo bo , cườm gạo, o ý dĩ' (del chinés 薏苡)

Japonés: juzudama (数珠玉 or ジュズダマ) o hatomugi (鳩麦 or ハトムギ)

Corean: yulmu (율무)

Noms dins las lengas europèas

Catalan: Llàgrimes de Job

Anglés: Job's Tears

Francés: larme-de-Job

Espanhòl: lágrimas de Job

Lo nom utilizat fa referéncia a Jòb (personatge biblic que patiguèt e lagremèt fòrça) pr'amor que los grans semblan de lagremas.