La Cançon del Romegaire
La Cançon del Romegaire es la cançon tradicionala de la vilòta de Rojan (Erau) que son animal totemic es l'eiriç. Aquí en seguida las paraulas passadas en grafia classica:
La Cançon del Romegaire modificar
Fasètz plaça a l'escarbolièr
Que se'n va brandir la campana,
Tirar la còrda es son mestièr,
Sa pata gòia l'acompanha.
Repic:
Son totes borrats de defauts,
Mas quand lo tòca-senh resonava
Totes en còr prenián las dalhas
Per ajudar lo Romegaire
Lo tonelièr, roge e bofit
Chuca mai que çò que trabalha
Çò que li fa melhor profit
Que de bricolar de fustalha.
Faunhaire, lo rasim t'espèra
Totes te creson plan feniant
E pasmens, es tu que faguèras
Lo vin que degustam cada an.
La bugadièra, plan lenguda
Neteja e rinça a torn de braç
La cal crentar, car es morruda
A mai de lenga que de braç.
La pastorèla, dins lo prat
Garda los anhèls e las fedas
Mas quand passa un pastre plan fach
Crenta pas de mostrar las bregas.
Lo coratièr pas tròp onèste
Mesura l'òli a mai lo blat
Cal pas li faire tròp de fèsta
Cadun per el es estrelhat.