La Bòrda (site arqueologic)

Lo site preïstoric de La Bòrda se tròba en Carcin, sul Causse de Gramat e lo vilatge de Livernon (departament francés d'Òlt). Foguèt descobèrt e parcialament destruch en 1971, al cors del traucament d'una estacion de pompatge. Michèu Lorblanchet i efectuèt de trabalhs de terren e procediguèt a sedaçar los escombres rics en material arqueologic. Se publiquèt en 1990 un estudi pluridisciplinari sus aquel site jos la direccion del preïstorian Jacme Jaubèrt, professor a l'Universitat de Bordèu 1.

Caracteristicas modificar

Es una anciana cavitat carstica esfondrada de tipe avenc, completament rasada per un comolatge sedimentari ric en fauna e en industria litica preïstorica; la sequéncia biocronologica se referís a un periòde indeterminat del Pleistocèn Mejan Final o del començament del Pleistocèn Superior. Los animals dominants i son l'ur (Bos primigenius) representat pel pus mens per 40 individús. Las autras espècias presentas son lo caval, lo cèrvi (Cervus elaphus), l'ase europèu (Equus hydruntinus) e lo lop (Canis lupus).