Lœss
Loess (paraula d'origina alemanda en la varianta de Soïssa) es un tipe de tèrra. Las particulas que fòrman lo loess son de gran plan fin (diamètre inferior a 0,05 mm), angulosas e formadas per de qüars, feldspat, hornblenda, mica, carbonat de calci e de còps tanben argila. En Euròpa se formèt pendent lo Pleistocèn en las regions qu'èran prèp d'una glacièra ont lo les foguèt menat per los vents del sud e de l'èst. En China la sieuna origina es desparièra pr'amor que lo loess foguèt menat pel vent de las regions deserticas de l'interior e depausat mai enlà, en l'èst. Los depaus de loess son d'una color jaune sens estratificar. La sieuna espessor pòt anar d'un mètre en qualques lòcs dels Estats Units fins a 90 mètres en China. Tanben se tròban depaus de loess mai pichons en Euròpa centrala, l'estèpa russa e Argentina. Son coneguts pr'amor que son de tèrras plan fertilas mas a l'encòp patisson fòrça l'erosion eolica e idrica. La sieuna fertilitat a coma causa la granda capacitat d'escambi cationic e la granda facilitat per depausar d'aiga dempuèi las sieunas raices. En las praderiás dels Estats Units son cobèrtas per un leugièr lièch ric en matèria organica que fa las tèrras fertilas mas s'aqueste estrat desapareis pèrdon la sieuna fertilitat. Fòrça tèrras loessicas europèas son estadas cultivadas amb de cerealas.
